|
le dix septieme jour de novembre mil six cent
soixante et deux avant midy à vastan au bureau du notaire soubs signé,
Furent personnellement establys //
francois thibault / laboureur à
jarondelle paroisse de sainct christofle de cette vile de vastan
/ fils de desfunctz Guillaume
thibault et de marie ballin / ses
pere et mere / pour luy dune part
// et Marie Riolland
/ fille de Nicollas Rioland et de
desfuncte michelle petit / ses pere
et mere / demeurant au moulin
daigremont / paroisse dudit saint
christofle / pour elle dautre
part // lesquelles partyes
/ certaines
/ ont confessé avoir fait et font
entre elles les accords et promesses de mariage
/ societte et communaulté /
qui sensuivent / en la forme et
maniere cy apres // Cest a scavoir
que ledict Thibault / de l'advis
/ conseil et deliberation de louis
thibault son frere / de marye
leger femme dudict thibault sa belle soeur
/ Jean Thibault son cousin germain /
denise bonnet femme dudict jean thibault
/ mathurine thibault sa soeur
/ damoiselle anne de [Combes?]
veuve de desfunct francois de jeufosse /
vivant escuyer sieur de la chapelle /
de laurianne thibault /
veufve de maria feragu / sa soeur//
(blanc typographique pour le cas où d'autres témoins seraient à ajouter)
et aultres ses parents et amys cy presents
/ a promis et promet prendre a femme et loyale espouze
ladicte marye riolland, / Comme
aussy ladite Riolland / de l'auctorité
voulloir et consentement dudict
nicolas riolland son pere / de
l'advis / conseil et deliberation
/ de Guillaume
/ louis et Nicolas riolland ses
freres / de pierre Morin
/ son cousin germain a cause de
francoise moireau sa femme /cousine
germaine de ladicte moireau / de
Mathurine thibault femme dudict louis rioland sa belle soeur
/ michelle morin
-----------------------------------------------------------------------------------
1v°-
veufve de desfunct noel sallé sa cousine germaine et marenne
/
et aultres parents et amys cy presents
/ a promis et promet prendre a mary
et loyal espoux ledict thibault / et
ce / toute foys et quantes* que
dieu et nostre mere saincte esglise a ce consentiront et accorderont
/ et que lune des partyes en sera
par laultre requise, //
Au traicte duquel mariage et en
faveur dIcelluy / apres quil aura
ete faict et solennisé en face de saincte esglise
/ a este dict et accordé que lesdicts futurs espoux seront et
demeureront / des le jour de leur
benediction nuptiale / uns et
commungs en tous biens meubles et immeubles patrimoniaulx acquestz et
conquestz immeubles quils
feront et
acquereront pendant et constant* leur mariage et communeauté//
Pour laquelle communeauté acquerir de la part de ladite future
avec sondit futur / ledit nicolas riolland son pere a promis et sest
oblligé leur payer [solidairement?] pour [deux?] par luy quite ..?.. sadite fille des droictz maternels de
ladite rioland sa fille / quelle peut avoir et
pretendre
/ a cause de la
succession deladite desfuncte marye petit sa mere
/ la somme de six vingt
livres et un lict garny dune coueste avec sa pluntye*/
un travers avec sa pluntye / quatre
linceuils* de chacun quatre aulne* de thoille commune
/ deux couppes
/ deux assiettes
/ une painte* /
deux escuelles / le tout destin
{d'estain}/ une nappe de trois
aulnes de thoille commune / une
serviette de mesme thoille dune aulne / un
coffre de boys de chesne fermant a clef / payable
lesdicts..?..a .. volonte et par ..?.. ..?.. desdicts futurs espoux
/ et quant a
ladite somme de six vingt livres ledit riolland a promis et sest
-----------------------------------------------------------------------------------
2-r°. oblige les payer a deux termes et payements esgaux et par moytie
/ la moytie de
ladite somme / dhuy en un an
/ et laultre moytié dhuy en deux ans / le tout prochain
venant/ a peine de ..?
/ une eschue ne cessante pour laultre/
Sen ira ladite espouse demeurer en la maison et communeauté dudit thibault
/ et sa femme avec laquelle elle
sera et demeurera commune entre eux /
chacune pour une quaterie(me)
partye...?...de ladite somme et meubles et ..?.. ..?.. ..?.. un quartier de vigne
que ledict Riolland a delaissé a ladicte future/
assis au Clous de ...?.. jouxtant dun long la vigne des hoirs ...
/ daultre
long la terre du sieur de guerigny /
laultre piece jouxte la vigne de [macé ?] demaistre
/ daultre ladite terre/
daultre la vigne de masson/ de sorte
que partage adven.. les biens deladite communeauté seront partagez entre
eux par quart/
Si ladite future survit ledict futur /
elle aura le choix et obtion de se tenir aladicte communeauté ou renoncer
a icelle / et pour faire sa
declaration le temps de quarante jours a compter du jour quelle sera
certaine du deces dudict futur/
pendant lequel temps elle et ses enfans seront norrys aux despens de
ladicte communeauté sans que ladite nourriture luy puisse estre
prescomptee ny desduite sur ses droictz et adventages cy [apres]
En cas de renoncement/ les heritiers
dudit futur seront tenus rendre et restituer tout ce quelle aura recu
delle ou a cause delle/ francs et
quitte de toutes debtes/ lors quelle
y fust obligée/ et jusqua lentiere
restitution desesdicts droictz elle demeurera saisye de tous les biens
dudict futur et en fera les fruictz [siens
/ en] pure perte desdictz heritiers
/ ausquels il sera neanmoins permis de vendre desdictz biens/
ladite future appelée pour en recevoir les deniers
/ qui ne pourront estre divertys a
autre effaict/
Et quelque eslection quelle fasse /
elle aura (le) preciput et advantages hors part
/ et sans rapport/ ses robes
bagues et joyaux / avec son doaire
qui sera de la somme de dix livres sans enfans et avec enfans de la moitye
de ladicte somme / a les prendre sur
les plus clairs biens dudict futur //
car ainsy promettant/ et renoncant/
faict en presence de pierre delaville clerc ..?.. vastan et jean [bouifond]
tixier en thoille ................ lesdicts futurs et leurs parens et amys
ont dicts ne scavoir signez sauf les soubs signez
ont signe: delaville
louis riolant g(uillaume)riolant nicollas
riollant
Petit (notaire)
|
